महेश बालदी यांनी आगरी समाजाबद्दल अवमानकारक शब्द वापरल्याप्रकरणी 12 नोव्हेंबरला समाजाच्या मोर्चाचे आयोजन

पनवेल : उरण विधानसभा क्षेत्रात भारतीय जनता पार्टी तर्फे निवडणूक लढवीणारे उमेदवार महेश रतनलाल बालदी हे आगरी समाजाबद्दल वारंवार अवमानकारक शब्दप्रयोग करत असतात. मागील विधानसभा निवडणूक काळातही बालदी यांनी आगरी समाजातील महिलांबद्दल अनुद्गार काढले होते. महेश बालदी यांचा जाहीर निषेध करण्यासाठी आणि त्यांनी आगरी समाजाची जाहीर माफी मागावी या मागणीसाठी आगरी समाजातर्फे दि. १२ नोव्हेंबर रोजी सकाळी ११ वाजता उरण पोलीस स्टेशन येथे मोर्चाचे आयोजन करण्यात आले आहे. या मोर्चाला सर्वांनी उपस्थित राहावे असे आवाहन करण्यात आले आहे.

२९ ऑक्टोबर रोजी, निवडणूकीसाठी उमेदवारी अर्ज भरण्याच्या निमित्ताने आयोजित केलेल्या जाहीर सभेत महेश बालदी यानी आगरी समाजाबद्दल पुन्हा एकदा तुच्छतादर्शक आणि अवमान करणारे शब्दप्रयोग केले आहेत. त्यामुळे समाजात असंतोषाची भावना निर्माण झालेली आहे. त्याची दखल घेऊन आगरी समाजाची शिखर संस्था असलेल्या 'अखिल आगरी समाज परिषदेने १ नोव्हेंबर रोजी सदरहू महेश बालदी यांना निषेधाचे पत्र लिहून त्यांनी समाजाची जाहीर माफी मागावी अशी मागणी केलेली आहे. परंतु सदरहू महेश बालदी यांनी आजपर्यंत समाजाची माफी मागीतल्याचे दिसून येत नाही. त्यामुळे समाजामध्ये असंतोष आणि संताप व्यक्त केला जात आहे. त्यामुळे महेश बालदी यांचा जाहीर निषेध करण्यासाठी आणि त्यांनी आगरी समाजाची जाहीर माफी मागावी या मागणीसाठी आगरी समाजातर्फे दि. १२ नोव्हेंबर रोजी सकाळी ११ वाजता उरण पोलीस स्टेशन येथे मोर्चाचे आयोजन करण्यात आले आहे. या मोर्चाला सर्वांनी उपस्थित राहावे असे आवाहन करण्यात आले आहे.

चौकट

महेश बालदी यांना यावर्षी हे प्रकरण भोवणार आहे. समस्त आगरी समाजाने बालदी यांनी केलेल्या समाजाच्या अपमानाबद्दल त्यांना कात्रजचा घाट दाखवावा

Comments

किरण गिते यांच्या वाढदिवसानिमित्त विविध उपक्रमाचे निमंत्रण

खारघर : किरण गिते यांच्या वाढदिवसासाठी प्रमुख उपस्थिती माजी नगरसेवक व खारघर कॉलनी अध्यक्षा श्रीमती लीना अर्जुन गरड आणि सर्व संत वामन भाऊ भगवानबाबा सेवाभावी संस्था सदस्य यांच्या उपस्थितीत वाढदिवस साजरा करण्यात येणार आहे . खारघर कॉलनी अध्यक्षा श्रीमती लीना अर्जुन गरड यांच्याकडून किरण अण्णासाहेब गिते यांचा सत्कार करण्यात येणार आहे . वाढदिवसानिमित्त विविध उपक्रम आयोजित केले आहे . या उपक्रमामध्ये २५ ऑगस्ट २०२३ रोजी लाइव्ह ऑर्केस्ट्रा संध्याकाळी ६ :३० वाजता घेण्यात येणार असून संध्याकाळी साडेआठ वाजता नंतर केक कापून स्नेहभोजनाचा कार्यक्रम आयोजित केला आहे . सर्व उपक्रमाचे ठिकाण आचार्य अत्रे गार्डन, प्लॉट नं.13, सेक्टर-21, खारघर येथे आयोजित केले आहे . सर्व नागरिकांनी उपस्थित राहून उपक्रमाचे शोभा वाढवण्यात यावी .

महाआवास अभियान - ग्रामीण अंतर्गत मुख्यमंत्री उध्दव ठाकरे यांच्या उपस्थितीत ई-गृहप्रवेश कार्यक्रम संपन्न

नवी मुंबई, दि. १६ : महाआवास योजना अभियान-ग्रामीण अंतर्गत ई गृहप्रवेश कार्यक्रमात प्रातिनिधिक स्वरुपात मुख्यमंत्री उध्दव ठाकरे यांच्या हस्ते सहयाद्री अतिथी गृह येथे घरकुलाच्या चावीचे वाटप करण्यात आले. विभागीयस्तरावर कोकण विभागीय आयुक्त अण्णासाहेब मिसाळ यांच्या हस्ते प्रातिनिधिक स्वरूपात लाभार्थाना घरकुल चावीचे वाटप करण्यात आले. कोकण विभाग आणि ग्रामीण विकास यंत्रणा जिल्हा परिषद ठाणे यांच्या वतीने आयुक्त कार्यालयात हा ई गृहप्रवेश कार्यक्रम संपन्न झाला. _*राज्याचे मुख्यमंत्री उद्धव ठाकरे यांच्या हस्ते सहयाद्री अतिथीगृहात झालेल्या ई गृहप्रवेशाच्या कार्यक्रमात ठाणे जिल्हयातील पांडू गणपत दरोडा आणि रसिक रवींद्र गायकवाड त्याचबरोबर पालघर जिल्हयातील सोनी संदेश महाले, सुरेश पांडुरंग धिंडा आणि अशोक काशिनाथ घागरे या लाभार्थ्यांना घरकुल चावीचे वाटप करण्यात आले.*_ यावेळी जिल्हा परिषद अध्यक्ष पुष्पा गणेश पाटील, ठाणे जिल्हाधिकारी राजेश नार्वेकर, ठाणे जिल्हा परिषदेचे मुख्य कार्यकारी अधिकारी डॉ. भाऊसाहेब दांगडे, उपायुक्त (प्रशासन) मनोज रानडे, उपायुक्त (विकास) गिरीष भालेराव, सहाय्यक आयुक्त (विकास)

अभिनेता भूषण प्रधानच्या चित्रपटांचा अल्ट्रा झकासवर चौकार

मराठी सिनेसृष्टीत आपल्या दमदार अभिनयाबरोबरच हॅंडसम लुक आणि फिटनेसमुळे ओळखला जाणारा अभिनेता भूषण प्रधान याचे अल्ट्रा झकास या मराठी ओटीटीवर एका पाठोपाट एक चित्रपट जोरदार गाजत आहेत. महाराष्ट्राचा मराठी ओटीटी अल्ट्रा झकासने आजवर भूषण प्रधानचे 'ऊन सावली', 'फेक मॅरेज' आणि 'लग्न कल्लोळ' हे तीन चित्रपट प्रदर्शित केले आहेत. याचबरोबर नुकताच 'अल्ट्रा झकास'वर १७ मे २०२४ रोजी ‘रंगीत’ या नव्या कोऱ्या चित्रपटाचा थेट ओटीटी रिलीज - वर्ल्ड डिजिटल प्रीमियर झाला आहे. ऊन सावलीतला प्रणय, फेक मॅरेजमधला मिहिर, लग्न कल्लोळ मधला अथर्व प्रेक्षकांना प्रचंड आवडला होता. असेच रंगीत चित्रपटात भूषण प्रधानने साकारलेला सिद्धार्थही रसिकांना खोलवर भावत आहे. ऊन सावली चित्रपटात प्रणयला पहिल्या भेटीतच अन्वी आवडली आहे, मात्र अन्वीची लग्न करण्याची इच्छा नाही. फेक मॅरेज चित्रपटात स्वप्नांच्या मागे धावताना नाती आणि नात्यांतील होणारे बदल आयुष्याला एका अनपेक्षित वळणावर घेऊन जातात, हे दाखवले आहे. लग्न कल्लोळ चित्रपटात श्रुती आणि अथर्वची एका कुंडलीमुळे काय फजिती होते, ते धमाल पद्धतीने दाखवले आहे.

नवलोकहित दृष्टी

Search This Blog