महायुतीचे उमेदवार कार्यसम्राट आमदार प्रशांत ठाकूर यांना विविध संस्थेचा पाठिंबा

 

पनवेल (प्रतिनिधी) : बौद्धजन पंचायत समिती शाखा क्रमांक ५२३, सिद्धांत सामाजिक शैक्षणिक कला क्रीडा व सांस्कृतिक संस्था पनवेल आणि शिवाजी नगर युवक मित्र मंडळ पनवेल या संस्थांनी पनवेल विधानसभा मतदारसंघातील  महायुतीचे उमेदवार कार्यसम्राट आमदार प्रशांत ठाकूर यांना निवडणुकीसाठी आपला पाठिंबा जाहीर केला आहे. या पाठिंब्याचे पत्र त्यांनी आमदार प्रशांत ठाकूर यांच्याकडे नुकताच सुपूर्द केले.  पनवेल नगरीचा विकासात कायापालट करणारे पनवेलचे यशस्वी शिल्पकार आमदार प्रशांत ठाकूर हे बौद्ध समाजाला सन्मानाने वागणूक देतात तसेच तळागाळातील कार्यकर्त्याला महत्वाची जबाबदारी देत असतात. त्यामुळे बौद्धजन पंचायत समिती शाखा क्रमांक ५२३, सिद्धांत सामाजिक शैक्षणिक कला क्रीडा व सांस्कृतिक संस्था पनवेल आणि शिवाजी नगर युवक मित्र मंडळ आमदार प्रशांत ठाकूर यांना जाहीर पाठिंबा देत असल्याचे या पाठिंबा पत्रात नमूद करण्यात आले आहे.