Skip to main content

पत्रकार विरुद्ध पोलीस क्रिकेट सामन्यात पनवेल पत्रकार संघ विजयी

 


नवीन पनवेल(रत्नाकर पाटील): पनवेल पोलीस संघ विरुद्ध पनवेल पत्रकार संघ यांच्यात प्रदर्शनीय क्रिकेट सामना आयोजित करण्यात आला होता. यामध्ये पत्रकार संघाने बाजी मारत प्रदर्शनीय सामना जिंकला.

        करंजाडे येथे माजी सरपंच रामेश्वर आंग्रे आणि माजी उपसरपंच योगेंद्र कैकाडी यांच्या पुढाकाराने गावदेवी क्रीडा मंडळ करंजाडे येथे मर्यादित षटकांच्या क्रिकेट स्पर्धेचे आयोजन लोकनेते दि. बा. पाटील क्रीडांगणावर करण्यात आले होते. प्रदर्शनीय सामन्याचा टॉस करण्यासाठी पत्रकार संघाकडून रत्नाकर पाटील तर पोलीस संघाकडून अभय शिंदे मैदानात उपस्थित होते, यावेळी पोलीस संघाने टॉस जिंकून पहिली बॅटिंग करण्याचा निर्णय घेतला. त्यामुळे पत्रकार संघ क्षेत्ररक्षणासाठी मैदानात उतरले. प्रथम फलंदाजी करताना पोलीस संघाने 4 षटकात 20 धावा करून पत्रकार संघाला 21 धावांचे आव्हान दिले होते. यामध्ये शिंदे 8 चेंडूत 5 धावा, महाडेश्वर 2 चेंडूत 4 धावा, राहुल 2 चेंडूत 4 धावा, मोकल 2 चेंडूत 1 धाव आणि अवांतर 6 धावा, अशा एकूण 20 धावा पोलीस संघाने काढल्या, यावेळी गोलंदाजी करताना पत्रकार संघाच्यावतीने विशालने 1 षटकात 9 धावा 2 विकेट, तुषारने 1 षटकात 4 धावा 1 विकेट, समीर 1 षटकात 2 धावा 1 विकेट तर रत्नाकरने 1 षटकात 4 धावा 1 विकेट घेऊन पोलीस संघाला 20 धावांवर रोखण्यात पत्रकार संघाला यश आले.

यानंतर पत्रकार संघाकडून फलंदाजीसाठी सलामीला शैलेश चव्हाण आणि रत्नाकर पाटील ही जोडी मैदानात उतरली. शैलेश जोरदार फटका मारण्याच्या प्रयत्नात असताना झेलबाद झाला. त्यानंतर सुरज आणि रत्नाकर या जोडीने जोरदार फटकेबाजीने धावफलक हालता ठेवला, सुरजने चांगली फलंदाजी करत 3 चेंडूत 1 षटकाराच्या सहाय्याने 11 धावा काढल्या, तर रत्नाकरने 6 चेंडूत 1 चौकरसह 9 धावा काढल्या आणि पत्रकार संघाला विजय मिळाला.यादरम्यान पत्रकार संघाकडून जोरदार गोलंदाजी पहावयास मिळाली . तुषार जाधव, विशाल सावंत, समीर जाधव आणि रत्नाकर यांच्याकडून चांगली गोलंदाजी पहावयास मिळाली. तर शैलेश चव्हाण कडून उत्कृष्ट क्षेत्ररक्षण दिसून आले.

         पनवेल पोलिस संघात  अभय शिंदे,  दयानंद महाडेश्वर, नेलवाडे, कुंभार, अमोल डोईफोडे, माधव शेवाळे यांनी सहभाग नोंदविला तर पत्रकार संघात मंदार दोंदे, रत्नाकर पाटील,  शैलेश चव्हाण, विशाल कांबळे, सनीप कलोते, मयूर तांबडे, कुणाल जैतपाल, दत्ता मोकल, गणपत वारागडा, सूरज जाधव, तुषार पवार यांचा सहभाग होता.

    शेवटी माजी सरपंच रामेश्वर आंग्रे यांच्या हस्ते दोन्ही संघांना  आकर्षक चषक प्रदान करण्यात आले.

*पोलीस संघाचा धावफलक* 

शिंदे 8 चेंडूत 5 धावा, महाडेश्वर 2 चेंडूत 4 धावा, राहुल 2 चेंडूत 4 धावा, मोकल 2 चेंडूत 1 धावा, अवांतर 6 धावा.

 *पत्रकार संघाची गोलंदाजी* 

विशाल 1 षटकात 9 धावा 2 विकेट, तुषार 1 षटकात 4 धावा 1 विकेट, सागर 1 षटकात 2 धावा 1 विकेट, रत्नाकर 1 षटकात 4 धावा 1 विकेट

 *पोलीस संघाची गोलंदाजी* 

शिंदे 1 षटकात 10 धावा 1 विकेट,  राहुल 3 चेंडूमध्ये  11 धावा

Comments

Popular posts from this blog

किरण गिते यांच्या वाढदिवसानिमित्त विविध उपक्रमाचे निमंत्रण

  खारघर : किरण  गिते यांच्या  वाढदिवसासाठी प्रमुख उपस्थिती माजी नगरसेवक व खारघर कॉलनी अध्यक्षा श्रीमती लीना अर्जुन गरड आणि सर्व संत वामन भाऊ भगवानबाबा सेवाभावी संस्था सदस्य यांच्या उपस्थितीत वाढदिवस साजरा करण्यात येणार आहे .         खारघर कॉलनी अध्यक्षा श्रीमती लीना अर्जुन गरड  यांच्याकडून किरण अण्णासाहेब गिते यांचा सत्कार करण्यात येणार आहे . वाढदिवसानिमित्त विविध उपक्रम आयोजित केले आहे . या उपक्रमामध्ये २५ ऑगस्ट २०२३ रोजी लाइव्ह ऑर्केस्ट्रा संध्याकाळी ६ :३० वाजता  घेण्यात येणार असून संध्याकाळी  साडेआठ वाजता नंतर केक कापून स्नेहभोजनाचा कार्यक्रम आयोजित केला आहे . सर्व उपक्रमाचे ठिकाण आचार्य अत्रे गार्डन, प्लॉट नं.13, सेक्टर-21, खारघर येथे आयोजित केले आहे . सर्व नागरिकांनी उपस्थित राहून उपक्रमाचे शोभा वाढवण्यात यावी .

महाआवास अभियान - ग्रामीण अंतर्गत मुख्यमंत्री उध्दव ठाकरे यांच्या उपस्थितीत ई-गृहप्रवेश कार्यक्रम संपन्न

नवी मुंबई, दि. १६ : महाआवास योजना अभियान-ग्रामीण अंतर्गत ई गृहप्रवेश कार्यक्रमात प्रातिनिधिक स्वरुपात मुख्यमंत्री उध्दव ठाकरे यांच्या हस्ते सहयाद्री अतिथी गृह येथे घरकुलाच्या चावीचे वाटप करण्यात आले. विभागीयस्तरावर कोकण विभागीय आयुक्त अण्णासाहेब मिसाळ यांच्या हस्ते प्रातिनिधिक स्वरूपात लाभार्थाना घरकुल चावीचे वाटप करण्यात आले. कोकण विभाग आणि ग्रामीण विकास यंत्रणा जिल्हा परिषद ठाणे यांच्या वतीने आयुक्त कार्यालयात हा ई गृहप्रवेश कार्यक्रम संपन्न झाला.  _*राज्याचे मुख्यमंत्री उद्धव ठाकरे यांच्या हस्ते सहयाद्री अतिथीगृहात झालेल्या ई गृहप्रवेशाच्या कार्यक्रमात ठाणे जिल्हयातील पांडू गणपत दरोडा आणि रसिक रवींद्र गायकवाड त्याचबरोबर पालघर जिल्हयातील सोनी संदेश महाले, सुरेश पांडुरंग धिंडा आणि अशोक काशिनाथ घागरे  या लाभार्थ्यांना घरकुल चावीचे वाटप करण्यात आले.*_  यावेळी जिल्हा परिषद अध्यक्ष पुष्पा गणेश पाटील, ठाणे जिल्हाधिकारी राजेश नार्वेकर, ठाणे जिल्हा परिषदेचे मुख्य कार्यकारी अधिकारी  डॉ. भाऊसाहेब दांगडे, उपायुक्त (प्रशासन) मनोज रानडे, उपायुक्त (विकास) गिरीष भालेराव, सहाय्यक आयुक्त (विकास)...

पराभूत झाले तरी संपूर्ण ताकदीने लढले

  पनवेल : पनवेल 188 विधानसभेत शेकाप आघाडीची 2019 मध्ये 87000+ मते असताना माजी आमदार बाळाराम पाटील यांनी पनवेलमध्ये मुसंडी मारून महाविकास आघाडी,शेकाप आणि मित्र पक्षांच्या मदतीने शेतकरी कामगार पक्षाचा 1 लाख 32 हजार 840 चा आकडा पार केला.           बाळाराम पाटील यांच्या विरोधात भाजपने पंतप्रधान नरेंद्र मोदी, सामाजिक न्याय मंत्री रामदास आठवले यांच्या सभा घेतल्या. तसेच स्टार प्रचारक प्रचारात उतरवले याविरुद्ध दुसऱ्या बाजूला महाविकास आघाडी, शेतकरी कामगार पक्षाचा कार्यकर्ता कोणताही मोठा नेता किंवा स्टार प्रचारक नसताना महाविकास आघाडी, शेकाप नेत्यांच्या नियोजनबद्ध मार्गदर्शनाखाली माजी आमदार बाळाराम पाटील हे प्रचंड ताकतीने लढले आणि त्यांनी पनवेल विधानसभा मतदारसंघात एक लाख बत्तीस हजार 840 मते मिळवली. त्यामुळे महाविकास आघाडी शेकापची मते पनवेल विधानसभा मतदारसंघात वाढली आहेत. १८८ पनवेल विधानसभा मतदारसंघाची मतमोजणी ही पनवेल मधील काळसेकर महाविद्यालयाच्या प्रांगणात सकाळी सुरू झाली. ८ वाजता टपाल मतदानाची सुरवात झाल्यापासून शेकापचे उमेदवार बाळाराम पाटील हे आघाडीवर होते. पह...