Skip to main content

सीवूडमध्ये वैसाखी मेला कार्यक्रमासह " गोल गप्पे " आणि " " तस्करी " चित्रपटाचे पोस्टर आणि ट्रेलर यांच्यामाध्यमातून प्रमोशन

नवी मुंबई दि. २४ (प्रतिनिधी) : शीख समुदाय नवीन वर्ष म्हणून बैसाखी साजरी करतात. या काळात पिके परिपक्व होऊन त्यांची काढणी होते, त्याच्या आनंदात हा सणही साजरा केला जातो. त्याला धार्मिक महत्त्वही आहे. शीखांचे १० वे गुरु गोविंद सिंग यांनी १३ एप्रिल १६९९ रोजी बैसाखीच्या मुहूर्तावर खालसा पंथाची स्थापना केली होती, त्यामुळे शीख समुदायासाठी बैसाखीचे विशेष महत्त्व आहे. याच पार्श्वभूमीवर नवी मुंबई येथे ' आया वैसाखी मेला' कार्यक्रम पार पडला. यावेळी जणू 'पंजाब नवी मुंबईत अवतरला असल्याचा भास होता होता. या रंगारंग कार्यक्रमाचे आयोजन निर्वैर प्रॉडक्शन, व्हॅल्यू ऑफ स्माइल संस्था, अकाल ज्योत सेवक ज्यथा, चरडी कला स्पोर्ट्स अँड सोशल असोसिएशन यांनी केले होते.
प्रसिद्ध गायक रंधावा ब्रदर्स, मनजीत सिंग सोही आणि कबाल सरूपवाली यांनी काही चमकदार बैसाखी आणि त्यांची इतर सुप्रसिद्ध गाणी ऐकून प्रेक्षकांना मंत्रमुग्ध केले. रजत बेदी, अभिनेता आणि निर्माता (कोई मिल गया, पार्टनर, जोडी नंबर १, आंतरराष्ट्रीय खिलाडी), अभिनेत्री इहाना ढिल्लन (राधे, भुज, हेट स्टोरी), अभिनेत्री जास्मिन भसीन (नागिन, बिग बॉस, खतरों के खिलाडी), एम चंद्रमौली (केजीएफच्या अध्याय १ आणि २ चे लेखक), चिता यज्ञेश शेट्टी अभिनेता, निर्माता आणि एक्का मार्शल आर्ट तज्ज्ञ आणि प्रसिद्ध चित्रपट निर्माते सिमरजीत सिंग आणि अमृत राज , सिंगश्रीदेवी शेट्टी, सीईओ, कौसमीडिया, निर्वैर प्रॉडक्शनचे हरदीप सिंग संधू, टाईम ग्रुप अध्यक्ष प्रवीण शहा,  आदींची देखील या कार्यक्रमाला उपस्थिती होती.

हरदीप सिंग संधू यांच्या निर्वैर प्रॉडक्शनची पहिली हिंदी वेब मालिका 'तस्करी'च्या पोस्टरचे अनावरण कार्यक्रमात करण्यात आले. तसेच सुप्रसिद्ध अभिनेता आणि निर्माते रजत बेदी यांच्या "गोल गप्पे" या पंजाबी विनोदी चित्रपटाचे पोस्टर आणि ट्रेलर प्रेक्षकांना या निमित्ताने प्रथम पाहता आले. कमल मुकुट, सोहम रॉकस्टार एंटरटेनमेंट आणि जान्हवी टेलिफिल्म्स यांच्या संयुक्त विद्यमाने ट्रायफ्लिक्स एंटरटेनमेंटची निर्मिती असलेला हा चित्रपट आहे. 
वर्ष २०१९ मध्ये स्थापन झालेल्या निर्वैर प्रॉडक्शन या निर्मितीगृहाचे सध्या विविध प्रकल्पावर कामे सुरू आहेत. सर्जनशील कलावंत असलेले हरदीप सिंग संधू यांनी त्यांचे वैयक्तिक आणि व्यावसायिक अनुभव आणि जीवनातील विविध किस्से त्यांच्या पहिल्या महत्वाकांक्षी प्रकल्प - “तस्करी”साठी कथासार म्हणून पुढे आणले आहेत. या माध्यमाद्वारे संधू आणि निर्वैर प्रॉडक्शन दोहोंचा अर्थपूर्ण आणि परिणामकारक कथा घडविणाऱ्या भविष्याकडे प्रवास सुरू झाला आहे. आगामी काळात निर्वैरकडून  हिंदी आणि पंजाबी चित्रपट प्रकल्पांची अतिशय रोमांचक मालिका येऊ घातली आहे




Comments

Post a Comment

Popular posts from this blog

किरण गिते यांच्या वाढदिवसानिमित्त विविध उपक्रमाचे निमंत्रण

  खारघर : किरण  गिते यांच्या  वाढदिवसासाठी प्रमुख उपस्थिती माजी नगरसेवक व खारघर कॉलनी अध्यक्षा श्रीमती लीना अर्जुन गरड आणि सर्व संत वामन भाऊ भगवानबाबा सेवाभावी संस्था सदस्य यांच्या उपस्थितीत वाढदिवस साजरा करण्यात येणार आहे .         खारघर कॉलनी अध्यक्षा श्रीमती लीना अर्जुन गरड  यांच्याकडून किरण अण्णासाहेब गिते यांचा सत्कार करण्यात येणार आहे . वाढदिवसानिमित्त विविध उपक्रम आयोजित केले आहे . या उपक्रमामध्ये २५ ऑगस्ट २०२३ रोजी लाइव्ह ऑर्केस्ट्रा संध्याकाळी ६ :३० वाजता  घेण्यात येणार असून संध्याकाळी  साडेआठ वाजता नंतर केक कापून स्नेहभोजनाचा कार्यक्रम आयोजित केला आहे . सर्व उपक्रमाचे ठिकाण आचार्य अत्रे गार्डन, प्लॉट नं.13, सेक्टर-21, खारघर येथे आयोजित केले आहे . सर्व नागरिकांनी उपस्थित राहून उपक्रमाचे शोभा वाढवण्यात यावी .

महाआवास अभियान - ग्रामीण अंतर्गत मुख्यमंत्री उध्दव ठाकरे यांच्या उपस्थितीत ई-गृहप्रवेश कार्यक्रम संपन्न

नवी मुंबई, दि. १६ : महाआवास योजना अभियान-ग्रामीण अंतर्गत ई गृहप्रवेश कार्यक्रमात प्रातिनिधिक स्वरुपात मुख्यमंत्री उध्दव ठाकरे यांच्या हस्ते सहयाद्री अतिथी गृह येथे घरकुलाच्या चावीचे वाटप करण्यात आले. विभागीयस्तरावर कोकण विभागीय आयुक्त अण्णासाहेब मिसाळ यांच्या हस्ते प्रातिनिधिक स्वरूपात लाभार्थाना घरकुल चावीचे वाटप करण्यात आले. कोकण विभाग आणि ग्रामीण विकास यंत्रणा जिल्हा परिषद ठाणे यांच्या वतीने आयुक्त कार्यालयात हा ई गृहप्रवेश कार्यक्रम संपन्न झाला.  _*राज्याचे मुख्यमंत्री उद्धव ठाकरे यांच्या हस्ते सहयाद्री अतिथीगृहात झालेल्या ई गृहप्रवेशाच्या कार्यक्रमात ठाणे जिल्हयातील पांडू गणपत दरोडा आणि रसिक रवींद्र गायकवाड त्याचबरोबर पालघर जिल्हयातील सोनी संदेश महाले, सुरेश पांडुरंग धिंडा आणि अशोक काशिनाथ घागरे  या लाभार्थ्यांना घरकुल चावीचे वाटप करण्यात आले.*_  यावेळी जिल्हा परिषद अध्यक्ष पुष्पा गणेश पाटील, ठाणे जिल्हाधिकारी राजेश नार्वेकर, ठाणे जिल्हा परिषदेचे मुख्य कार्यकारी अधिकारी  डॉ. भाऊसाहेब दांगडे, उपायुक्त (प्रशासन) मनोज रानडे, उपायुक्त (विकास) गिरीष भालेराव, सहाय्यक आयुक्त (विकास)...

पराभूत झाले तरी संपूर्ण ताकदीने लढले

  पनवेल : पनवेल 188 विधानसभेत शेकाप आघाडीची 2019 मध्ये 87000+ मते असताना माजी आमदार बाळाराम पाटील यांनी पनवेलमध्ये मुसंडी मारून महाविकास आघाडी,शेकाप आणि मित्र पक्षांच्या मदतीने शेतकरी कामगार पक्षाचा 1 लाख 32 हजार 840 चा आकडा पार केला.           बाळाराम पाटील यांच्या विरोधात भाजपने पंतप्रधान नरेंद्र मोदी, सामाजिक न्याय मंत्री रामदास आठवले यांच्या सभा घेतल्या. तसेच स्टार प्रचारक प्रचारात उतरवले याविरुद्ध दुसऱ्या बाजूला महाविकास आघाडी, शेतकरी कामगार पक्षाचा कार्यकर्ता कोणताही मोठा नेता किंवा स्टार प्रचारक नसताना महाविकास आघाडी, शेकाप नेत्यांच्या नियोजनबद्ध मार्गदर्शनाखाली माजी आमदार बाळाराम पाटील हे प्रचंड ताकतीने लढले आणि त्यांनी पनवेल विधानसभा मतदारसंघात एक लाख बत्तीस हजार 840 मते मिळवली. त्यामुळे महाविकास आघाडी शेकापची मते पनवेल विधानसभा मतदारसंघात वाढली आहेत. १८८ पनवेल विधानसभा मतदारसंघाची मतमोजणी ही पनवेल मधील काळसेकर महाविद्यालयाच्या प्रांगणात सकाळी सुरू झाली. ८ वाजता टपाल मतदानाची सुरवात झाल्यापासून शेकापचे उमेदवार बाळाराम पाटील हे आघाडीवर होते. पह...