कळंबोलीत विकासकामांचा झंझावात; कार्यसम्राट आमदार प्रशांत ठाकूर यांच्या हस्ते भूमिपूजन

पनवेल(प्रतिनिधी) भारतीय जनता पार्टी ही सर्वांगीन विकासाच्या दृष्टीकोनातून काम करत असून, पंतप्रधान नरेंद्र मोदी यांच्या सबका साथ सबका विकास या भुमीकेतून अशीच विकासाची कामे करत राहणार असल्याचे प्रतिपादन भाजपचे उत्तर रायगड जिल्हाध्यक्ष व कार्यसम्राट आमदार प्रशांत ठाकूर यांनी विकास कामांच्या भुमीपूजनावेळी केले. या वेळी त्यांच्याहस्ते महापालिकेच्या माध्यमातून कळंबोली येथे करण्यात येणार्‍या रस्ते, गटारे, स्मशानभुमीच्या विकासकामांचे भुमीपूजन करण्यात आले.

      पनवेल महापालिकेच्या माध्यमातून गतीमान पद्धतीने महापालिका क्षेत्राचा विकास करण्याच्या दृष्टीकोनातून काम सुरु आहे. त्याअंतर्गत बुधवारी कळंबोली येथे सुनिल भगत यांच्या घरापासून ते संदीप भगत यांच्या घरापर्यत्त, श्रीपद भगत चाळी पासून ते बैठक हॉलपर्यत्त कॉंक्रिट रस्ता तयार करणे, आदिवासीवाडी मधील गटारे, ड्रेनेज लाईन व रस्त्याचे कॉंक्रिटीकरण करणे, कळंबोली गावातील स्मशानभुमीचे सुशोभीकरण करणे, नारायण जाधव चाळ ते कातकरीवडी पर्यंत गटार बांधणे, कळंबोलीतील स्मशानभुमी ते शर्मा बेकरी पर्यत्त आणि महेश मोहिते यांच्या घरापासून ते महिला मंडळ कार्यालयापर्यंत्त रस्ता बांधण्याचे काम होणार आहे. या विकास कामांचा भुमीपूजन सोहळा आमदार प्रशांत ठाकूर यांच्या हस्ते आणि मान्यवरांच्या प्रमुख उपस्थितीत झाला.   ह्या कामांच्या शुभारंभावेळी भाजपचे कळंबोली शहर अध्यक्ष रविनाथ पाटील, स्थायी समितीचे सभापती संतोष शेट्टी, प्रभाग समिती ब चे सभापती समीर ठाकूर, नगरसेवक हरेश केणी, अमर पाटील, बबन मुकादम, राजेंद्र शर्मा, सरचिटणीस दिलीप बिस्ट, महिला मोर्चा अध्यक्षा मनिषा निकम, सरचिटणीस दुर्गा सहाणी, प्रकाश शेलार, संदिप भगत, मुन्ना भगत, किशोर खानावकर, केशव यादव, जोहेब पटेल, श्रीकांत ठाकूर, रवि जाधव, राजु दळवी, मयुर खानावकर यांच्यासह पदाधिकारी, कार्यकर्ते आणि मान्यवर उपस्थित होते. या कामांसाठी महिला व बालकल्याण सभापती मोनिका महानवर, मुन्ना भगत, संदिप भगत तसेच ग्रामस्थांनी आमदार प्रशांत ठाकूर यांच्याकडे पाठपुरावा केल्याने ही कामे सुरु झाली आहेत. 

       भारतीय जनता पार्टीवर महापालिकेतील जनतेचे विकास करण्यासाठी विश्‍वास टाकला आहे. भाजपच्या नगरसेवकांनी एकत्र येऊन महासभेत ठराव मंजुर करुन घेतल्यामुळे ही विकासाचीकामे होत आहेत. ज्यांनी कर्नाळा बँक लुटली आणि सर्व सामान्य नागरीकांना रडायला लावलेल्यांनी विकासाच्या गप्पा न करता कर्नाळा बँकेच्या खातेदार आणि ठेविदारांचे पैसे कसे परत करणार, लुटलेले पैसे कुठे लपवले, कोणा कोणाला निवडणुक लढवायला दिले हे सांगितले पाहिजे. आणि हे जर सांगता येत नसेल तर लोकांचा खोटा कळवळा सागांयचे काही कारण अशी टीका आमदार प्रशांत ठाकूर यांनी विरोधकांवर यावेळी केली.