पनवेल दि.18 (वार्ताहर): महिलेजवळ असलेल्या बॅगेमध्ये विंचु असल्याचे सांगुन तिची बॅग घेऊन पळून जाण्याच्या बेतात असलेल्या चोरट्याला नागरिकांनी पकडून पोलिसांच्या स्वाधीन केल्याची घटना सोमवारी दुपारी पनवेलमध्ये घडली. अमित अशोक नेरकर (30) असे या चोरटÎाचे नाव असून पनवेल शहर पोलिसांनी त्याला अटक केली आहे. या घटनेतील तक्रारदार रंजना लांघे (48) या पनवेलच्या डेरवली भागात राहण्यास असून सोमवारी दुपारी त्या कामानिमित्त पनवेलमध्ये आल्या होत्या. यावेळी त्यांच्यासोबत शितल पवार व मुमताज शहा या देखील होत्या. या तिघी पनवेल मधील यशोनारायण कॉम्पलेक्सजवळ राहणाऱया मैत्रीणीच्या घरी जात होत्या. यावेळी रंजना लांघे या तेथील गेटमध्ये प्रवेश करत असताना, त्यांच्या पाठीमागून आलेल्या चोरटÎा अमित नेरकर याने रंजना लांघे यांच्या बॅगेमध्ये विंचु असल्याचे सांगून त्यांना घाबरविले. त्यामुळे रंजना यांनी दागिने व महत्वाची कागदपत्रे असलेली आपल्या हातातील बॅग खाली टाकुन दिली. याचवेळी चोरट्या अमित नेरकर याने विंचु बाहेर काढण्याच्या बहाण्याने बॅग आपल्याकडे घेऊन त्याठिकाणावरुन पळ काढला. हा प्रकार पाहुन रंजना लांघे व त्यांच्या मैत्रिणींनी आरडा-ओरड केल्यानंतर त्या भागातील नागरिकांनी चोरट्या अमित नेरकर याचा पाठलाग करुन त्याला पकडले. त्यानंतर त्याला पनवेल शहर पोलिसांच्या स्वाधीन केले.
खारघर : किरण गिते यांच्या वाढदिवसासाठी प्रमुख उपस्थिती माजी नगरसेवक व खारघर कॉलनी अध्यक्षा श्रीमती लीना अर्जुन गरड आणि सर्व संत वामन भाऊ भगवानबाबा सेवाभावी संस्था सदस्य यांच्या उपस्थितीत वाढदिवस साजरा करण्यात येणार आहे . खारघर कॉलनी अध्यक्षा श्रीमती लीना अर्जुन गरड यांच्याकडून किरण अण्णासाहेब गिते यांचा सत्कार करण्यात येणार आहे . वाढदिवसानिमित्त विविध उपक्रम आयोजित केले आहे . या उपक्रमामध्ये २५ ऑगस्ट २०२३ रोजी लाइव्ह ऑर्केस्ट्रा संध्याकाळी ६ :३० वाजता घेण्यात येणार असून संध्याकाळी साडेआठ वाजता नंतर केक कापून स्नेहभोजनाचा कार्यक्रम आयोजित केला आहे . सर्व उपक्रमाचे ठिकाण आचार्य अत्रे गार्डन, प्लॉट नं.13, सेक्टर-21, खारघर येथे आयोजित केले आहे . सर्व नागरिकांनी उपस्थित राहून उपक्रमाचे शोभा वाढवण्यात यावी .
Comments
Post a Comment