रेखा केतन गंगर यांचे अवयवदान

पनवेल : पनवेल येथील रेखा केतन गंगर यांचे दुःखद निधन झाले आहे. त्यांच्या पश्चात पती, एक मुलगी, दोन भाऊ, एक बहीण आहे. त्यांच्यावर अंत्यसंस्कार करण्यात आले. यावेळी त्यांच्या कुटुंबीयांनी अवयव दान करण्याचा निर्णय घेतला. या अवयव दानामुळे अनेकांना जीवनदान मिळणार आहे          ‘मरावे परि कीर्तीरुपी उरावे’ अशी मराठीत म्हण आहे. मरणोत्तर अवयदानामुळे अन्य कोणीतरी हे सुंदर जग पाहू शकेल. मरणोत्तर मानवी अवयवाची एक तर राख होते किंवा माती! मरणोत्तर नेत्रदान, त्वचादान, किंवा अवयवदान केल्यामुळे जर अन्य कोणा गरजूला जीवनाची अनुभूती घेता येऊ शकेल तर त्यापेक्षा कोणते श्रेष्ठ दान असूच शकत नाही. अवयवदानाच्या माध्यमातून मृत्यूनंतरही जिवंत राहता येते. हे काम पुण्य कमावण्याचे आहे. अवयवदानाचे महत्त्व हे अनन्यसाधारण आहे. पनवेल, जुना ठाणा नाका येथील रेखा गंगर यांचे 40 व्या वर्षी अल्पशा आजाराने निधन झाले आहे. त्यांच्या निधनानंतर कुटुंबीयांनी अवयवदानाचा निर्णय घेतला. त्यांच्या अंत्यसंस्काराला विरोधीपक्षनेते प्रितम म्हात्रे, डॉक्टर सुरेखा मोहोकर आणि शेकाप कार्यकर्ते उपस्थित होते. रेखा गंगर या सामाजिक कार्यात अग्रेसर होत्या. त्यांच्या निधनामुळे विरोधी पक्ष नेते प्रीतम म्हात्रे यांनी दुःख व्यक्त केले असून त्यांना श्रद्धांजली वाहिली.