लोकनेते रामशेठ ठाकूर यांच्या वाढदिवसानिमित्त व महिला दिनानिमित्त ७० लहान गरीब मुलींना करण्यात आले अन्नदान

पनवेल /प्रतिनिधी : श्रीमंत छत्रपती उदयनराजे भोसले यांच्या राजे प्रतिष्ठान कामगार सेनेतर्फे जागतिक महिला दिनाचे औचित्य साधून तसेच लोकनेते रामशेठ ठाकूर साहेब यांच्या ७० व्या वाढदिवसानिमित्त दिनांक ९ मार्च २०२१ रोजी आसूडगाव परिसरातील ७० गरीब लहान मुलींना अन्नदान करण्यात आले. महिला दिनानिमित्त विविध ठिकाणी महिलांसाठी कार्यक्रम राबविले जातात मात्र फक्त एक दिवस महिलांचा सन्मान न होता नेहमीच त्यांचा सन्मान व्हावा असा उद्देश राजे प्रतिष्ठान कामगार सेनेचा राहिला आहे तसेच गोर - गरीब महिला व लहान मुली या कोरोना काळापासून आर्थिक विवंचनेत असून अनेकदा त्यांना उपासमार सहन करावी लागते याची जाणीव ठेवूनच छत्रपती उदयनराजे भोसले यांच्या आशीर्वादाने व अध्यक्ष जितेंद्र खानविलकर उर्फ काकासाहेब यांच्या मार्गदर्शनाने महिला दिन व लोकनेते रामशेठ ठाकूर यांच्या ७० व्या वाढदिवसानिमित्त आज आसूडगाव येथे ७० गरीब लहान मुलींना राजे प्रतिष्ठान कामगार सेनेतर्फे अन्नदान करण्यात आले या अनोख्या उपक्रमाचे सर्वच स्तरातून कौतुक होत आहे. या उपक्रमावेळी महाराष्ट्र सहचिटणीस केवल महाडिक, सदाशिव मोरे, गंगाराम शिंदे, ओमकार महाडिक व विजय शिंदे उपस्थित होते.