नगरसेविका नेत्रा किरण पाटील यांची कार्यकारी अभियंता पाणी पुरवठा सिडको यांच्याकडे प्रभागातील अपुऱ्या प्रमाणात होणाऱ्या पाणी पुरवठा सुरळीत करण्याची केली मागणी

 खारघर मधील प्रभाग क्र. ४ मधील से 19,20,21 व 11,13 येथील बहुतांश सोसायटीमध्ये मागील एक महिन्यापासून पाणी पुरवठा हा एकतर कमी दाबाने किंवा मागणी पेक्षा कमी होतांना दिसून येत आहे. सध्य स्थितीत पावसाळा सुरू आहे व तोही मोठया प्रमाणात असतांना पाण्याचा तुटवडा कसा ?असा प्रश्न सर्वसामान्य नागरिकांना पडला आहे. सोसायटीतील पदाधिकारी वेळोवेळी माझ्याकडे लोकप्रतिनिधी या नात्याने आपले प्रश्न ,अडचणी मांडत असतात त्यात प्रामुख्याने माझ्या महिला भगिनींना भेडसावणारा प्रश्न म्हणजे पाणी सदर बाबतीत सहाय्यक अभियंता पाणीपुरवठा विभाग ,खारघर यांना फोन केला की ते किंवा त्यांच्या कार्यालयातील प्रतिनिधी येतात व सदर सोसायटीत आल्यानंतर पाण्याचे मीटर चेक करतात अथवा पाणी पाईपलाईन तपासतात त्यावेळे पुरते पाणी व्यवस्थित येते परत ये रे माझ्या मागल्या असे होतांना दिसून येते.

सोसायटपदाधिकारी यांना खालील प्रकारे आपल्या विभागाकडून सूचना दिल्या जातात

१) आपल्या सोसायटीची पाईपलाईन ही फार पूर्वीची आहे किंवा तिचा व्यास छोटा आहे तो मोठा करून घ्या.

२) पाणीच्या मीटर जवळ घाण अडकली आहे त्यामुळे पाणी कमी येते

३) पाईपलाईन वरती आहे खाली करून घ्या म्हणजे पाणीपुरवठा सुरळीत होईल. 

वरील सर्व प्रकारात काहीतरी गौडबंगाल आहे असे सोसायटीच्या रहिवाश्यांना वाटते कारण 

काही महिन्यांपूर्वी सदर पाईपलाईन मधून सुरळीत पाणीपुरवठा होत होता.

आपल्या विभागामार्फत सांगण्यात येते की पाणीपुरवठा सुरळीत आहे मग तो कुठे गायब होतो सोसायटीत येईपर्यंत हा प्रश्न आहे.

वरील उपाय योजना आपल्या *

खारघर विभागातील अधिकारी अथवा कर्मचारी सुचवतात

या उपाय योजना आहेत की आर्थिक लुबाडणूक असा प्रश्न सोसायटीचे रहिवाशी विचारतात* कारण वर्षानुवर्षे सदर पाईपलाईन मधून व्यवस्थित पाणीपुरवठा होत आहे मग आत्ताच असे काय झाले ?

माझ्याकडे आलेल्या काही प्रातिनीधिक स्वरुपातील सोसायटीचे नाव ,प्लॉट न व सेक्टर आपल्या माहितीसाठी सोबत जोडत आहे आपण त्वरित लक्ष घालून योग्य त्या उपाय योजना कराव्यात अन्यथा आम्हाला आपल्या दालनासमोर आंदोलन करावे लागेल याची आपण नोंद घ्यावी व आपल्या विभागाकडून सोसायट्यांची होणारी फसवणूक, लुबाडणूक त्वरित थांबवावी.

आमच्या असेही निदर्शनास आले आहे की आपले कर्मचारी मुद्दाम पाण्याचा व्हाल कमी प्रमाणात सोडतात असे भविष्यात आढळून आल्यास त्यांना त्याच ठिकाणी रहिवाशी योग्य ते उत्तर देतील.