आमदार प्रशांत ठाकूर यांच्या वाढदिवसानिमित्त आयोजित केलेल्या चित्र कला व नृत्य स्पर्धेतील विद्यार्थ्यांचा सत्कार

स्पार्धेतील विद्यार्थ्यां सोबत पनवेल महानगरपालिका स्थायी समितीचे सभापती प्रवीण पाटील,नगरसेवक रामजी बेरा व इतर मान्यवर

खारघर, : भारतीय जनता पार्टी आणि प्रवीण स्पोर्ट्स वेल्फेअर असोसिएशन यांच्या संयुक्त विद्यमाने आमदार प्रशांत ठाकूर यांच्या वाढदिवसानिमित्त खारघर मध्ये आयोजित करण्यात आलेल्या ऑनलाइन चित्रकला आणि नृत्य स्पर्धेला उत्स्फूर्त प्रतिसाद मिळाला. चित्र कला स्पर्धेत विद्यार्थांनी माझा आवडता नेता किवा करोना योध्दा यांचे चित्र तर नृत्य स्पर्धेसाठी देश भक्तिपर अथवा लोक संगीतावर आधारित नृत्य हे विषय देण्यात आले होते. या स्पर्धेत,पनवेल विधानसभा क्षेत्रातील विद्यार्थी सहभागी झाले होते.चित्रकला स्पर्धेत प्रथम लक्ष्मण भोईर , जसमीन राजगुरू, तनिषा भोईर,श्री आनंद भोईर,श्रेया पाल तर नृत्य स्पर्धेत कार्तिकी गवारी,तनुश्री साबणे,प्रार्थना पटेल,आर्या सोनटक्के आणि अस्मि गायकवाड आदी विजेते ठरले स्पर्धेतील दोन्ही गटात दहा विजेत्यांना पनवेल महानगरपालिका स्थायी समितीचे सभापती प्रवीण पाटील,नगरसेवक रामजी बेरा यांच्या हस्ते रोख रक्कम आणि प्रशस्ती पत्र देवून सन्मान करण्यात आले.या वेळी भाजप युवा मंडलचे अध्यक्ष विनोद घरत, खारघर भाजप व्यापारी सेलचे अध्यक्ष अंबालाल पटेल, भाजप ठाणे,पालघर जिल्हाचे सचिव संजय पवार,शुभ पाटील,अनिल साबणे आदी उपस्थित होते.