पनवेल महानगरपालिका हद्दीत कोरोना रूग्णांसाठी प्लाझ्मा थेरेपी सेंटर सुरू करण्यासाठी निवेदन : गुरूनाथ पाटील

पनवेल : पनवेल महानगरपालिका हद्दीत कोरोना रूग्णांसाठी प्लाझ्मा थेरेपी सेंटर सुरू करण्यासाठी मागणी पनवेल महानगरपालिकेचे आयुक्त सुधाकर देशमुख यांच्याकडे शिवसेना पनवेल तालुका उपमहानगर संघटक गुरूनाथ पाटील यांनी निवेदनाद्वारे केली आहे. या निवेदनात त्यांनी म्हटले आहे की, पनवेल महानगरपालिका हद्दीत सध्य स्थितीला मोठ्या प्रमाणात कोरोना व्हायरसचा प्रदूर्भाव वाढला आहे. त्यामुळे आज घडीला मोठ्या प्रमाणात रूग्णसंख्या वाढत चालली आहे. यात दिलासादायक बाब हिच आहे की, रूग्ण बरे होण्याची संख्यासुद्धा वाढत चालली आहे. त्यामुळे उर्वरीत रूग्णांसाठी पनवेल महानगरपालिकेने प्लाझ्मा थेरेपी सेंटर लवकरात लवकर सुरू करणे आवश्यक आहे. याचा फायदा रूग्णांना होऊन पनवेल लवकरच कोरोना मुक्त होईल तरी या गोष्टीकडे गांभीर्याने पाहून प्लाझ्मा सेंटर सुरू करावे अशी मागणी शिवसेना पनवेल तालुका उपमहानगर संघटक गुरूनाथ पाटील यांनी निवेदनाद्वारे केली आहे.