पत्रकार मित्र असोसिएशन व श्री प्रल्हादराय झुलेलाल ट्रस्टच्यावतीने निराधार मुलींना जीवनावश्यक वस्तूंचे वाटप

पनवेल/प्रतिनिधी: पत्रकार मित्र असोसिएशन व श्री प्रल्हादराय झुलेलाल ट्रस्ट यांच्या संयुक्त विद्यमाने पनवेल खांदा कॉलनी येथील निराधार मुलींच्या आश्रमातील मुलींना मदतीचा हात म्हणून जीवनाश्यक वस्तूंचे वाटप करण्यात आले. इतर सामाजिक संस्था या गरीब गरजूंना वस्तू व अन्न वाटप करीत आहेत मात्र सध्या लॉकडाऊन काळामध्ये निराधार मुले- मुली वास्तव्य करीत असलेल्या आश्रमाची परिस्थिती बिकट आहेत अशातच त्यांना दुकानदार धान्य शिल्लक नाही असे कारण देत असल्याने ते चिंतीत होते त्यांनी केलेल्या मदतीच्या आवाहनाला पत्रकार मित्र असोसिएशन व श्री प्रल्हादराय झुलेलाल ट्रस्ट यांनी जीवनाश्यक वस्तू देऊन मदतीचा हातभार लावला आहे. तसेच ऍड. संतोषी चव्हाण यांनी देखील जीवनाश्यक वस्तू या मुलींना देऊ केल्या आहेत व वेळोवेळी मदत करण्याचे आश्वासन देखील दिले आहे. यावेळी पत्रकार मित्र असोसिएशनचे अध्यक्ष केवल महाडिक, सचिव व श्री प्रल्हादराय झुलेलाल ट्रस्टचे ऍड. मनोहर सचदेव, समाजसेविका ऍड. संतोषी चव्हाण, किरण पालये व आश्रमाचे व्यवस्थापक उपस्थित होते.