थोर समाजसुधारक स्व. जनार्दन भगत यांच्या जयंतीचे औचित्य साधून शुक्रवारी रक्तदान शिबीर

 

 

पनवेल(प्रतिनिधी) : थोर समाजसुधारक स्व. जनार्दन भगत यांच्या ९२ व्या जयंतीचे औचित्य साधून चांगू काना ठाकूर महाविद्यालय (स्वायत्त) राष्ट्रीय सेवा योजना, श्री. रामशेठ ठाकूर सामाजिक विकास मंडळ पनवेल व एम. जी. एम. हॉस्पीटल रक्तपेटी कामोठे यांच्या संयुक्त विद्यमाने शुक्रवार दिनांक २८ फेब्रुवारी २०२० रोजी सकाळी ०८ ते दुपारी ०३ वाजे पर्यंत रक्तदान शिबिराचे आयोजन करण्यात आले आहे. 

          खांदा कॉलनी मधील सीकेटी महाविद्यालयात होणाऱ्या या शिबिराचे उदघाटन महापौर डॉ. कविता चौतमोल यांच्या हस्ते होणार असून यावेळी प्रमुख पाहुणे म्हणून जनार्दन भगत शिक्षण प्रसारक संस्थेचे चेअरमन लोकनेते रामशेठ ठाकूर, आमदार प्रशांत ठाकूर, संस्थेचे अध्यक्ष अरुणशेठ भगत, व्हाईस चेअरमन वाय. टी. देशमुख, संचालक व सभागृहनेते परेश ठाकूर, सचिव डॉ. एस. टी.गडदे, संचालक संजय भगत आदी मान्यवर उपस्थित राहणार आहेत. या शिबिरात जास्तीत जास्त रक्तदात्यांनी सहभाग घ्यावा, असे आवाहन प्राचार्य डॉ. व्ही. डी. ब-हाटे यांनी केले आहे.